Katong Samua Basudara

Pray for AmbonAngka pela, angka gandong, leluhur punya ikatan yang seng bisa katong sangkal, jang biking rusak akang deng amarah sesaat yang seng punya ujung akar. Katong samua Maluku, ale rasa beta rasa, karena katong samua satu darah, katong basudara.

Jang manangis lai sodara, jang manangis lai sio tamang satu darah. Katong su rasa akang pung susah, katong su pernah menderita sama-sama. Katong lari mengungsi sama-sama. Sapa yang salah? sapa pung ulah? Mari katong duduk sama-sama supaya bisa lihat akang pung jalan kaluar.

Sio sodarae… beta hati susah lia ada anak manangis kehilangan bapak, ada istri manangis kehilngan suami. Gandonge.. sapa pung rumah yang dong su bakar lai itu? Dong seng tau kalo itu dong pung sodara? Sodarae katong samua satu, satu darah.

Maluku tanah indah, titisan Nusa Ina. Mangapa katong seng buka mata lalu lihat katong pung kalakuang tar bae ini? Katong ada biking apa? Kenapa katong marah? Jang biar dong sana yang seng tau katorang basudara, tusuk katong deng adu domba. Katong kuat karna katong pung sudara. Jadi jangan biking pisah katong sio.

Basudara, tutup talinga jua kalo ada yang bacabar beta pung tarbae… beta seng lupa katong dua pung janji hidup bae-bae. Ale inga, beta inga, katong angka sumpah par baku bage deng baku sayang. Beta jua seng lupa gandonge.. katong basudara, katong Maluku satu darah.

Potong di kuku, rasa di daging. Pela, gandong, katong samua satu darah, katong samua basudara.

Pela e, manis lawang e, Ina ama punya mau sio.. katong hidup bae-bae. Biar jau sini sana Pela e, asal laeng sayang laeng.

About Rian Tuanakotta
I have passion to build my hometown

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: